നിലമ്പൂരിലെ വിനോദ കേന്ദ്രങ്ങൾ

ചാലിയാർ നദിയുടെ കരയിലുള്ള ഒരു പട്ടണമാണ്‌ നിലമ്പൂർ . കേരളത്തിൽ മലപ്പുറം ജില്ലയിൽ സ്ഥിതി ചെയ്യുന്ന ഇവിടേക്ക് കോഴിക്കോട്ട് നിന്ന് 70 കിലോമീറ്ററും ഊട്ടിയിൽ നിന്ന് 100 കിലോമീറ്ററും ഉണ്ട്. നിലമ്പൂരിന്റെ കിഴക്ക് നീലഗിരി മലനിരകളും പടിഞ്ഞാറ് ഏറനാട് താലൂക്കും തെക്ക് പെരിന്തൽമണ്ണയും വടക്ക് വയനാടും ആകുന്നു. മലപ്പുറം ജില്ലയിലെ പ്രധാന പട്ടണങ്ങളിലൊന്നാണ്‌ നിലമ്പൂർ. 
    പ്രകൃതിയും സാഹസികതയും നിറഞ്ഞ മനോഹരമായ നഗരമാണ് നിലമ്പൂർ, ചാലിയാർ നദിയുടെ തീരത്തും നീലഗിരി കുന്നുകൾക്ക് സമീപമുള്ള നിലമ്പൂർ വിനോദസഞ്ചാര കേന്ദ്രങ്ങൾ അലറുന്ന വെള്ളച്ചാട്ടങ്ങളും പച്ചപ്പും നിലമ്പൂർ തേക്കുകളും ഉൾപ്പെടെയുള്ള മനോഹരമായ പ്രകൃതിദൃശ്യങ്ങൾ അനുഭവിക്കാൻ ധാരാളം സഞ്ചാരികളെ ആകർഷിക്കുന്നു. പ്രകൃതി സ്‌നേഹികൾക്കും മൃഗസ്‌നേഹികൾക്കും, കേരളത്തിലെ ഈ തേക്ക് പട്ടണത്തിൽ ധാരാളം വാഗ്ദാനങ്ങളുണ്ട്. 
ലോകത്തിലെ ഏറ്റവും പഴക്കമുള്ള തേക്കിൻ‌തോട്ടം ഇവിടെയാണുള്ളത്. കനോലി പ്ലോട്ട് എന്നു പേരുള്ള ഇവിടേക്ക് നിലമ്പൂർ പട്ടണത്തിൽ നിന്ന് 2 കിലോമീറ്ററുണ്ട്. 
ഇവിടുത്തെ കേരള വന ഗവേഷണ കേന്ദ്രത്തിലുള്ള (KFRI) നിലമ്പൂർ തേക്ക് മ്യൂസിയത്തിൽ പല ഇനത്തിലും ഗുണത്തിലും ഉള്ള തേക്കുകൾ പ്രദർശിപ്പിച്ചിട്ടുണ്ട്. 
നിലമ്പൂരിൽനിന്ന്‌ വയനാട്ടിലൂടെ കർണാടകയിലെ നഞ്ചൻകോടിലേക്കൊരു റെയിൽപ്പാതക്കു വേണ്ടി സർവേ നടന്നിട്ടുണ്ട്. എങ്കിലും റെയിൽവേ ഇതുവരെ ഈ പാതക്കായി അനുമതി നൽകിയിട്ടില്ല. 
നിലമ്പൂർ കോവിലകം സ്ഥിതിചെയ്യുന്നത് നിലമ്പൂർ അങ്ങാടിക്കു സമീപമാകുന്നു. സി.ഇ. 470 -ൽ എഴുതിയ നിലമ്പൂർ ചെപ്പേട് ആണ് കരിക്കാട് ഗ്രാമത്തിലെ ഏറ്റവും പഴയ രേഖ.